Samsung kompaniýasy SAMOLED söwda markasyny patentledi. LetsGoDigital çeşmesiniň maglumatlary boýunça Galaxy S11-de oturdyljak täze displeýler şeýle atlandyrylýar. Ýakyn wagtda Samsung kompaniýasy SAMOLED tehnologiýaly ekranlary görkezer diýlip çaklanylýar. Resminamada SAMOLED ekrany oturdyljak gurluşlar sanalyp geçilýär – smartfonlar, telewizorlar, monitorlar we beýlekiler. Söwda markasynyň hasaba alnyşy birwagtda patent we söwda markasy boýunça ABŞ-nyň Guramasynda (United States Patent and Trademark Office, USPTO) we Günorta Koreýanyň intellektual emläk boýunça Edarasynda (Korean Intellectual Property Office, KIPO) amala aşyryldy.
Ähtimal, tehnologiýa adaty AMOLED-da esaslandyrylýandyr, S nämäni aňladýar, diňe şony bilmek galýar. Iň bir aýdyň çaklama – Super. Ahyrky ulanyjy üçin, elbetde, AMOLED bilen SAMOLED-iň arasyndaky tapawut ähmiýetsiz bolup biler.
SAMOLED ekranly ilkinji smartfonuň indiki ýylyň başynda ýüze çykjak Galaxy S11 boljakdygy barada çaklama bar. Ýene bir çaklama aýdylýar, SAMOLED paneli bilen maýyşgak smartfon Galaxy Fold 2 hem üpjün ediler.
Samsung SAMOLED markasyny patentledi
- 18.11.2019 21:58
- 3k+
