RIKEN integratiw saglygy goraýyş Merkeziniň we Keýo uniwersitetiniň ýapon alymlary has uzak ýaşaýan adamlarda (110 ýaş we ondan köpräk) kesgitli görnüşdäki immun öýjükleriň artykdygyny anykladylar. Seýrek duş gelýän immun sistemalary bu adamlara ragy we infeksiýalary kabul etmäge mümkinçilik bermeýär. Bu barada MedicalXpress saýtynyň press-relizinde habar berilýär.
Barlag geçirijiler uzak ýaşaýan we 50-den 80 ýaşa çenli adamlaryň immun öýjükleriniň nusgalaryny analiz etdiler. Netijede, 110 ýaşdaky adamlarda W-öýjükleriň derejesi pes eken, T-öýjükleriň mukdary bolsa adaty ýagdaýda eken. Şonuň bilen birlikde soňkylaryň arasynda sitotoksik T-limfositleriniň agdyklyk edýändigi öwrenildi.
T-limfositleri klonal ekspansiýa netijesinde, ýagny bir baş öýjük million nusgalara öwrülen ýagdaýynda ýüze çykdy. Bu örän seýrek hadysa we ol uzak ýaşaýjy-rekordsmenleriň az sanlydygyny görkezýär. Meselem, Ýaponiýada 2015-nji ýylda 100 ýaşdan uly bolan 61 müň adam hasaba alyndy, ýöne bary-ýogy 146 adam 110 ýaşdan ýokary.
Uzak ýaşamagyň syry ýüze çykaryldy
- 16.11.2019 23:21
- 5.9k+
