Agyr raketa göteriji Falcon 9 11-nji noýabrda ýere golaý pes orbita internet-üpjün ediş Starlink global torunyň ýaýramagyny dowam etdirmek üçin 60 sany kiçi-hemra goýberdi. Bu barada SpaceX kompaniýasynyň saýtynda habar berilýär.
Falcon 9-yň uçurylyşy ABŞ-nyň gündogar wagty boýunça Florida ştatynyň NASA kosmodromynda 9:56-da (17:56 moskwa wagty boýunça) amala aşyryldy.
Bu ikibasgançakly göteriji raketanyň eýýäm dördünji goýberilişi. Halas ediş gämileri göteriji raketalaryň köp gezek ulanylmaga niýetlenilen obtekateliniň böleklerini ýörite suw üsti torlarda tutmagy makullamadylar. Beýle çözgüt Atlantikada güýçli tolkunlaryň bolýandygy we şular ýaly şertlerde olary tutmakda bu gurluşlaryň ygtybarlylygynyň ikuçludygy üçin kabul edildi. Muňa garamazdan, SpaceX kompaniýasynyň ýörite halas ediş gämileri obtekateliň bölekleriniň suwa gonan ýerine ugradylar, “Interfaks” habar berýär.
Starlink – bu geljekki nesliň hemra tory. Ol Ýeriň ýaşaýjylaryny interneda giň möçberde elýeterlilik bilen üpjün etmäge ukyply. Bu taslamanyň durmuşa geçirilişi 2018-nji ýylyň fewralynda başlady, SpaceX kompaniýasy onuň amala aşyrylmagyna giden çykdajyny on milliard dollar diýip bahalandyrýar. Bilermenleriň pikiriçe, jemleýji pul mundan ýokary bolar.
2019-njy ýylyň oktýabrynda SpaceX kompaniýasyny esaslandyryjy Ilon Mask ilkinji gezek özüniň sahypasynda Twitterda Starlinkiň kömegi bilen habar ýazdy.
Ilon Maskyň kompaniýasy orbita 60 sany Starlink hemrasyny goýberdi
- 12.11.2019 23:55
- 1.8k+
