Ýewropa Bileleşigi howany goramak üçin 1 trln ýewro möçberinde serişde bölüp berer. Bu hili beýanat bilen Ýewrokomissiýanyň täze ýolbaşçysy, Germaniýanyň öňki goranmak ministri Ursula fon der Lýaýen Berlinde eden çykyşynda belledi. Bu barada Trend agentligi Belta salgylanyp habar berýär.
Ursula fon der Lýaýeniň aýtmagyna görä, bu serişde geljek 10 ýylyň içinde bölünip berler. Ýewropa Bileleşigi 2050-nji ýyla çenli klimat taýdan bitarap boldy. Bu diýildigi Bileleşigiň çäklerinde ykdysady işjeňligiň netijesinde bug gazlarynyň zyňylmagynyň derejesiniň nula deň boljakdygyny aňladýar.
Ýewrokomissiýa 2018-nji ýylyň noýabrynda zyýanly zyňyndylaryň derejesini azaltmak boýunça uzak möhletleýin strategik konsepsiýasynyň hödürledi. Ursula fon der Lýaýen Ýewrokomissiýanyň başlygy wezipesine 2019-njy ýylyň iýulynda bellenildi. Ol 1-nji dekabrda öz wezipe borçlaryna girişer we bu edara ýolbaşçylyk etjek birinji zenan bolar.
Ýewropa Bileleşigi howany goramak üçin 1 trln ýewro bölüp berer
- 10.11.2019 12:38
- 2k+
