Bu sagatlar bilen suwa girmek hem bolýar. Xiaomi Mi Watch sagatlary eýýäm hödürlenilen, biz olaryň parametrleri bilen hem tanyş. Ýöne hytaý gigantynyň esasy menejerleriniň biri anons wagtynda kadrdan aňyrda galan käbir maglumatlar bilen paýlaşmak isledi.
Meselem, bu sagatlar suwdan goraglylyga eýe. Xiaomi-niň wekili bu sagat bilen basseýne girip bolýandygyny habar berdi, ýöne bu maglumat resmi saýtda agzalyp geçilmedik. Saýtda sagadyň ýüzüş derejäni yzarlamaga ukyplydygy barada agzalyp geçilýär.
Şeýle-de, Xiaomi GPS-iň we beýleki simsiz adaptarlaryň işlemegi bilen bagly mesele bolmazlygy üçin, diňe sagadyň original gaýyşlaryny ulanmagy maslahat berýär.
iOS-ly smartfonlar bilen işlemek meselesi, ýagny iPhone ulanyjylaryň sagady işe girizmek üçin ilki Android-li smartfonlary ulanmalydygy, soňra olary iPhone bilen birikdirmelidigi barada resmi saýtda görkezilen. Kompaniýanyň wekili şeýle režimde köp funksiýalaryň elýeterli bolmajakdygyny nygtady. Esasanam, NFC we saglyk bilen bagly käbir funksiýalar.
Suw geçirmeýän sagatlar barada gürrüň edilende, bir täzeligi belläp geçmek gerek. UMIDIGI hytaý kompaniýasy özüniň Uwatch GT “akylly” sagatlarynyň 5 ATM gorag derejeli suw geçirmeýän korpusynyň barlygy bilen, puls ölçeýji gurluşy, 1,3 dýuýmly tegelek displeýi bilen, Bluetooth v5.0 simsiz tehnologiýasyna eýe bolmagy bilen we 15 güne çenli işlemek wagty bilen tapawutlanýan täze modelini resmi taýdan hödürledi.
Mundan başga-da, bu sagatlar dolandyrmanyň iki sany aýry fiziki düwmelerine, türgenleşigiň 12 sany režimine, uky monitoryna we smartfon programmalaryndan habar almak mümkinçiligine eýe.
UMIDIGI Uwatch GT sagatlarynyň bahasy $80 barabar. Bu pula ulanyjy şeýle tehniki parametrli gajeti eline alýar
- Ölçegleri: 47x20,5x14,9 mm
- MCU: Nodic nRF52840 (Bluetooth 5.0)
- IMU: (akselerometr we giroskop): STK8321
- Ýürek ýygrylmalarynyň datçigi: HX3600
- Displeý: 1,3 dýuýmly, tegelek, TFT, 240x240 piksel ygtyýarly
- Akkumulýator: sagatda 260 Amper
- 50 ATM çenli suw geçirmezlik
Xiaomi Mi Watch «akylly sagatlary» suwdan “gorkmaýarlar”
- 09.11.2019 07:17
- 2.7k+
![Xiaomi Mi Watch «akylly sagatlary» suwdan “gorkmaýarlar”](https://tmcars.info/tmcars/images/original/2019/11/09/07/20/04e6b59c-2f9b-4d8a-b171-fb7eab52160e.jpg)