108 megapikselli bäş kameraly Xiaomi Mi Note 10 we Mi Note 10 Pro smartfonlary hödürlenildi

Xiaomi kompaniýasy halkara bazary üçin Xiaomi CC9 Pro smartfonunyň wersiýasyny hödürledi.
Xiaomi CC9 Pro ony 5-nji noýabrda Hytaýda tanyşdyrylyş dabarasynda ilkinji gezek görkezdi. 6-njy noýabrda bolsa onuň Xiaomi Mi Note 10 halkara meňzeş görnüşiniň anonsy guraldy.
Şeýle-de kompaniýa has kämil Mi Note 10 Pro modeli hem hödürledi.
Umuman aýdanyňda, Mi Note 10 (CC9 Pro-nyň meňzeş görnüşi) we Mi Note 10 Pro (CC9 Pro Premium Edition-yň meňzeş görnüşi) smartfonlaryň aýratynlygy gaty bir esasly däl – ýedi plastik linzaly (7P) we sekiz plastik linzaly (8P) obýektiwli.
Kamera 108 megapiksela niýetlenilen obýektiwli, F/1,69 diafragmaly S5KHMX datçigi, portret surata alyş üçin 12 Mp moduly, 2 Mp makromoduly we 20Mp ultragiňburçly moduly, şeýle-de 10 esse gibrid optiki zumly 5 Mp telefotomoduly özünde jemleýär.
Smartfon diagonaly 6,47 dýuýmly we Full HD+ ygtyýarly, ýan gapdallary egri aýlawly OLED giperbolik ekranyna eýe boldy. Barmaklaryň yzynyň optiki skaneri displeýiň aşagynda gurnalan.
Smartfonuň akkumulýator batareýi sagatda 5260 Amper göwrümli we ol kuwwatlylygy 30Wt bolan çalt zarýad tehnologiýasyna eýe.
Esasynda bir kristally Snapdragon 730G ulgamy ýatyr. Şeýle-de NFC, standart 3,5 mm audiobölüjsiniň, IK-modulynyň goldawyny hem belläp geçmek bolar. Smartfona Android 9 Pie sistemasynyň esasynda täze MIUI 11 firma daşy oturdylan.
Xiaomi Mi Note 10 smartfony 15-nji noýabrda 6GB operatiw ýatly we 128 GB fleş-ýatly wersiýasyna 549 ýewro bahasy bilen Ispaniýanyň satuwynda ýüze çykar. Mi Note 10 Pro 8 GB operatiw ýatly we 256 GB fleş-ýatly wersiýasyna 649 ýewro baha bilen hödürleniler.
Entek smartfonlaryň satylyp başlanylmandygyna garamazdan, internetden Xiaomi Mi Note 10 üçin ýokary ygtyýarly 20 sany oboýlary ýüklap almak bolýar.