OnePlus Android 10-yň esasynda OxygenOS 10-uň durnukly wersiýasyny kabul edip başlady

Iki hepde mundan öň OnePlus kompaniýasy OnePlus 6 we OnePlus 6T üçin OxygenOS 10-uň ilkinji açyk beta-wersiýasyny işe girizdi. Ýaňy-ýakynda bolsa programma üpjünçiliginiň durnukly wersiýasy çykdy.
Bu barada iki gurluşyň hem ulanyjylary XDA-Developers we Reddit forumlarynda habar berip başladylar. Emma täzeleme barada heniz resmi habar ýok. Eger-de size entek OTA barmadyk bolsa, onda proşiwkasyny Oxygen Updater programmasy arkaly ýüklemek bolýar. Täze programma üpjünçiligi 1,8 GB tutýar.
OxygenOS 10 Android 10 operasion sistemasy esasynda döredilen we oňa kompaniýanyň işläp düzüjileri köp sanly peýdaly täzelikleri goşupdyrlar. Mysal üçin, interfeýsiň belgilerini we basymlaryny, dolandyryşyň täze görnüşlerini (Pixel smartfonlaryndaky ýaly), täzelenen gara temany gurnamak mümkinçiligi, şeýle-de Game Space oýun ýaýrawy we Ambient Display-iň üýtgedilen funksiýasy. Mundan başga-da onda howpsuzlyk artdyrylan we ýerleşýän ýeriň gurluşy giňeldilen.