Hindistanyň welosipedçileri ýurduň milli güni mynasybetli ýörişe taýýarlanýarlar, olar Türkmenistan tarapyndan tomus möwsüminde goýlan dünýä rekordyny öz Watanyna dolamak isleýärler.
ORIENT agentlginiň «The Indian Express» hindi neşirine salgylanyp, habar bermegine görä, dürli sport klublary we guramalary birleşdirýän “Bicycle Parade 2020” umumyhalk aksiýasyny 2020-nji ýylyň 26-njy ýanwarynda Koçin şäherinde (Kerala ştaty) geçirmeklik göz öňünde tutulýar we onuň dünýäde iň uzak aralyga bir zolakly welosiped ýörişiniň bolmaklygyna garaşylýar.
«Bu fiziki çagyryşdan psihologiki çagyryşa has golaý. Welosipedçilere bäş kilometr aralygy 20-25 minutda geçmek ýeterlik. Ýöne bir zolak bilen hem-de haýal tizlik bilen gitmelidigi üçin, hereket ýokary derejedäki ünslüligi we konsentrasiýany talap edýär. Ýaryşa gatnaşyjylaryň aralygy üç metrden artdyrylmaly däl» – çäräniň ýolbaşçysy Nitin Palal habar berýär.
Onuň aýtmagyna görä, dünýä rekordsmeni adyny almak ugrundaky göreşde hindi welosiped prosesiniň üç mümkinçiligi bar. Ýöne guramaçylar birinji synanyşykda üstünlik gazanmagy göz öňünde tutýarlar.
Ýatlap geçsek, “bir zolakly welosiped ýörişi” kategoriýasynda Ginnesiň häzirki rekordy 2019-njy ýylyň 1-nji iýunynda türkmen welosipedçileri tarapyndan gazanylypdy.
Türkmenistanyň başda durmagy bilen BMG-nyň Genassambleýi tarapyndan döredilen “Bütindünýä welosiped güni” mynasybetli 2019 sany türgen bir zolaga düzülip, merkezi Olimpiýa şäheriniň daşyndan 3300 metrlik aýlawy amala aşyrdylar. Şonda türkmenistanlylar martdaky 1327 sany adam gatnaşan hindi welosiped ýörişini san taýdan “ozup geçdi”.
Hindi türgenleri welosport boýunça türkmenleriň goýan rekordyny täzelemek isleýärler
- 05.11.2019 03:14
- 4.7k+
