Ilkinji Xiaomi smart-sagatlary noýabrda çykar

Ilkinji Xiaomi akylly sagady daşky görnüşi boýunça kwadrat displeýli Apple Watch sagadyna meňzär. Onuň tanyşdyrylyşy 5-nji noýabrda geçer.
Özüniň Mi Band fitnes-trekerleri bilen Xiaomi hytaý kompaniýasy dakylýan elektronikanyň bazarynda öňdebaryjy brendleriň biri bolmagy başardy. Akylly sagatlar bolsa Xiaomi-niň assortimentinde heniz ýok. Ýöne hemme zat eýýäm indiki aýda üýtgemeli.
Xiaomi özüniň ilkinji smart-sagatlaryny anons eder. Gurluş Xiaomi Mi Watch ady bilen 5-nji noýabrda Hytaýda ýörite geçirilýän çärede görkeziler. Akylly sagatlar Google-dan WearOs operasion sistemasynyň dolandyrmasy boýunça işlär we tizer suratyna görä, Apple Watch-a meňzeş gönüburçly displeý görnüşinde bolar. Xiaomi Mi Watch eSIM kartyna, 4G LTE ulgamyna, NFC-iň köpfunksiýaly birikmesine we intellektual ses kömekçisine eýe bolar.
Sentýabryň başynda hytaý kärhanasy birnäçe söwda markalaryny registrirledi, ýagny “Millennium MIX ALPHA”, “Mi MIX ALPHA” we “Mi Watch COLOR”.
5-nji noýabrda smart-sagatlarynyň tanyşdyrylysyndan başga-da, Xiaomi birnäçe täzel önümleri hem görkezmekçi bolýar. Aýratynam, biz telewizorlaryň täze seriýasy Xiaomi Mi TV 5 we 108 megapikselli aýratyn kameraly Mi CC9 Pro smartfony görkeziler diýip hasaplaýarys.