«Biz türkmen tarapy bilen Ýewropa gaz ibermek meselelerini ara alyp maslahatlaşmaga taýýar» - diýip Bütindünýä bankynyň nebit we gaz boýunça baş bilermeni Aleksandr Huuderman Aşgabatda geçirilen «Türkmenistanyň nebiti we gazy – 2019» halkara maslahatynda eden çykyşynda belledi, diýip Ria Nowosti habar berýär.
Onuň bellemegine görä, tebigy gazyň ätiýaçlyklary boýunça dünýäde dördünji orny eýeleýän Türkmenistanda çykarylýan ýangyjyň esasy bölegi Hytaýa iberilýär, ýakynda türkmen gazynyň Russiýa iberilmegi gaýtadan ýola goýuldy.
Bilermeniň çykyşynda nygtamagyna görä, türkmen gazynyň Ýewropa iberilmegi dogrusynda ençeme gezek bellenilse hem, hiç wagt durmuşa geçirilmändir. Şol bir wagtda hem Huudermanyň belleýşi ýaly, Hazar deňziniň hukuk derejesi boýunça Konwensiýa gol çekilmegi we 2020-nji ýylda «Günorta gaz geçelgesi» boýunça işleriň tamamlanmagy bilen türkmen gazynyň Ýewropa Bileleşigine iberilmegi anyk hakykata öwrülip barýar.
Bütindünýä banky türkmen gazyny Ýewropa ibermek meselelerini maslahatlaşmaga taýýar
- 24.10.2019 16:57
- 3.5k+
