«KAMAZ 6520» ýük ulaglarynyň 200-si Türkmenistana getirildi

Russiýa Federasiýasynyň Kamsk awtozawodynda (Tatarystan Respublikasy) öndürilen «KAMAZ 6520» ýük ulaglarynyň 200-si «Türkmenawtoulaglary» agentliginiň tehniki binýadynyň üstüni ýetirdi.
«Türkmenistan: Altyn asyr» saýtynda habar berlişi ýaly, «KAMAZ 6520» ýük ulaglarynyň täze gelip gowşan nusgalary Ýewro-3 ülňülerine laýyk gelýän dizel ýangyjynda hereket edýär. Onuň 400 l.s. hereketlendirijisi has kuwwatly bolmak bilen çäklenmän, eýsem, eýsem, has ekologiýa we tygşytlylyk taýdan has amatly edildi. Täze tehnikalar sürüjiniň işi üçin oňaýly şertleri döredýän galmagaly peseldýän ýörite ulgam bilen enjamlaşdyryldy.
Russiýanyň meşhur öndürijisiniň ulaglary ýurdumyzyň paýtagtynda hem-de welaýatlarynda gurluşygy alnyp barylýan iri desgalarda ulanylar. Hususan-da, ýük awtoulaglary agentligiň garamagyndaky edara-kärhanalara paýlanyldy, şolaryň 40-sy Aşgabatda, 50-si Ahal welaýatynda, 20-si Balkan welaýatynda, 25-si Daşoguz welaýatynda, 35-si Lebap welaýatynda hem-de 30-sy Mary welaýatynda degişli düzümler tarapyndan ulanylar.
Türkmenistanyň Prezidentiniň şu ýylyň iýun aýynda gol çeken resminamasyna laýyklykda, ýurdumyzyň ministrlikleri we pudaklaýyn edaralary tarapyndan «KAMAZ FTC CORP. LLP» (Beýik Britaniýa) kompaniýasyndan «KAMAZ» kysymly awtomobilleriň we ýörite tehnikalaryň uly tapgyry (2 müň birlik) hem-de ätiýaçlyk şaýlary tapgyrlaýyn esasda satyn alnar.