Awstriýa Respublikasynyň paýtagty Wena şäherine Türkmenistanyň agrosenagat toplumynyň türkmen gawunlarynyň 18,5 tonnasy eksport edildi.
Gawunlaryň ady belli «Gyzyl Gülaby» tohumynyň eksportyny «Turope Consult GmbH» kompaniýasy bilen hyzmatdaşlyk gatnaşyklaryny ýola goýan «Ter Önüm» hojalyk jemgyýeti amala aşyrýar. Güneşli Türkmenistanda ösdürilip ýetişdirilen türkmen gawunlary ekologiýa taýdan arassa karton gaplara gaplanyp, «Volvo» ýük awtoulag-doňduryjysynda awstriýaly sarp edijilere ýetirildi.
Mälim bolşy ýaly, abraýly halkara ýaryşlarynda altyn medallara mynasyp bolýan türkmen gawunlary adaty bolmadyk datly tagamy we özüne çekiji ysy bilen tutuş dünýä bellidir. Türkmenistanda gawun bakja ekinleriniň şasy hasaplanylýar. Bu ýöne ýerden däldir, çünki bu önüm gaýtalanmajak datly tagamy, peýdaly hem ýokumly elementlere baýlygy bilen güneşli ýurdumyzyň topragynyň baýlygynyň nyşanydyr.
Türkmen telekeçileri gawunlaryň Awstriýa eksportyny ýola goýdular
- 24.09.2019 02:21
- 4.3k+
