Türkmenistanyň Senagat we kommunikasiýa ministrliginiň «Türkmendeňizderýaýollary» agentliginiň Türkmenbaşy şäherindäki Deňizçilik orta hünär okuw mekdebiniň binýadynda Deňizçilik okuw merkezini dörediler. Döwrebap hem-de ugurdaş käriň hünärmenlerini taýýarlamak üçin ýörite tälim beriş enjamlar bilen enjamlaşdyrylan merkezi döretmek boýunça alnyp barylýan işler barada 20-nji sentýabrda geçirilen Ministrler Kabinetiniň mejlisinde wise-premýer M.Çakyýew hasabat berdi.
Şeýle hem wise-premýeriň habar berşi ýaly, senagat pudagyny bazar ykdysadyýetine geçirmegiň şertlerine laýyklykda döwrebaplaşdyrmak, daşary ýurt maýa goýumlaryny çekmek maksady bilen, Türkmenistanyň Senagat we kommunikasiýa ministrliginiň «Türkmensenagat» agentliginiň düzümine seljeriş işleri geçirildi. Hususan-da, bu agentligiň binýadynda birnäçe düzümleriň paýly gatnaşmagynda açyk görnüşli paýdarlar jemgyýetlerini döretmek göz öňünde tutulýar.
Gurbanguly Berdimuhamedow Hazar deňziniň sebitinde hyzmatdaşlygyň ösdürilmeginiň, deňizde ylmy barlaglary geçirmegiň, deňiz ugurly hünäriň hünärmenleriniň taýýarlanylmagy we deňizçilik okuw merkeziniň döredilmegi boýunça öňde goýlan wezipeleri üstünlikli çözmegiň zerurdygyny nygtap, şunuň bilen baglylykda, wise-premýere degişli görkezmeleri berdi.
Türkmenbaşy şäherinde deňizçilik okuw merkezi dörediler
- 21.09.2019 23:56
- 3.8k+
