SEAT ýeňil awtoulaglar kompaniýasynyň habar bermegine görä, Ýer ýüzünde ulag satyn alýanlaryň iň köp isleg bildirýän reňki 39% ak reňkli awtoulaglardyr. Akdan soňky isleg bildirilýän reňkler bolsa gara we çaldyr. Geçirilen barlaglara görä, şahsy islegler we käbir ynançlar ulagyň reňkini saýlamakda adamlara uly täsir edýär. Hindistanda ulaglaryň aglabasy açyk reňklerde bolup, ol ýerde gara reňkli ulaga duş gelmek mümkin däl. Bu ýagdaý Hytaýda her 10 maşyndan 6-sy ak bolmagy bilen tapawutlandyrylýar. Ýewropa we ABŞ-da bolsa ak reňkli ulaglaryň görkezijisi 25%-e ýetýär.
Habar berlişi ýaly, gara reňkli awtoulaglar bolsa dünýäde akdan soň ikinji orny eýeleýär. Ýer ýüzündäki awtoulaglaryň 16%-i gara reňkdedir. Gara reňkli ulaglar aýratyn hem Gollandiýada has köp gabat gelýär. Meksikada bolsa gara reňkli awtoulaglar 6-njy orundan paý alýar.
Ýer ýüzünde has köp isleg bildirilýän ak we gara reňkli awtoulaglardan soň 3-nji orny 11% görkeziji bilen çal reňk eýeleýär. Çal reňkdäki awtoulaglara esasan Germaniýa, Ispaniýa, Beýik Britaniýa, Fransiýa, Italiýa, Awstriýa we Şwesiýa ýaly döwletlerde has köp duş gelmek bolýar.
Dünýä boýunça ak reňkli awtomobillere isleg artýar
- 21.09.2019 05:54
- 12k+
