«Türkmenhowaýollary» Boeing 777-200LR kysymly täze uçar satyn alar

Türkmenistanyň Prezidentiniň 2019-njy ýylyň 2-nji awgustynda gol çeken kararyna laýyklykda, Türkmenistanyň Senagat we kommunikasiýa ministrliginiň «Türkmenhowaýollary» agentligi «Boeing» (ABŞ) kompaniýasy bilen «Boeing 777-200 LR» kysymly täze uçar satyn almak hakynda şertnama baglaşdy. Bu barada «Türkmenhowaýollary» agentliginiň resmi saýty habar berýär.
Bellenilişi ýaly, täze uçary 2021-nji ýylyň ýanwarynda satyn almak meýilleşdirilýär.
Täze «Boeing 777-200 LR» kysymly uçar türkmen awiakompaniýasy tarapyndan «Boeing-den» satyn alan 32-nji uçarydyr. Soňky ýyllarda ýurduň awiaparky «Boeingiň» we beýleki dünýä meşhur kompaniýalaryň meşhur uçarlary bilen dolduryldy. Netijede, 2013-nji ýylda Boeing 737-800 kysymly uçarlaryň üçüsi, 2014-nji ýylda bolsa, 2 sany Boeing 777-200 LR uçarlary, 2015-nji ýylda ýene-de 3 sany Boeing 737-800 kysymly täze uçarlary satyn alyndy. 2016-2018-nji ýyllarda hem Boeing uçarlary satyn alyndy.
Boeing 777-200 LR («LR» «Longer Range» diýmegi aňladýar— uzak aralyk) 2006-njy ýylda dünýäde «iň uzak aralyga uçýan» kommersiýa awialaýneri boldy. Boeing bu modelini Worldliner diýip atlandyryp, onuň islendik iki sany howa menzilini birleşdirip biljekdigini belledi, Bu uçar kommersiýa awialaýnerleriniň içinde iň uzak aralyga uçmaga mümkinçilik berýän gurluşa eýe — 15 müň 843 kilometr. 777-200LR nusgalary aşa uzakdaky uçuşlar üçin niýetlenendir. Onda GE90-110B1L kysymly kuwwatly reaktiw hereketlendirijiler oturdylyp, ol iki klasly konfigurasiýada 137 ýolagçyny kabul etmek mümkinçiligine eýedir.