Türkmenistanyň Daşary işler ministrligi tälim alyş geçmek boýunça bäsleşik yglan edýär

Türkmenistanyň Daşary işler ministrliginiň Halkara gatnaşyklary institutynyň Administratiw-tehniki işgärleri taýýarlamak boýunça okuw merkezini tamamlan hünärmenleri Türkmenistanyň Daşary işler ministrliginiň ulgamynda tälim alşy geçmek üçin Türkmenistanyň Daşary işler ministrligi bäsleşik yglan edýär, diýip Türkmenistanyň daşary syýasat edarasynyň saýty habar berýär.
Türkmenistanyň Daşary işler ministrliginiň Halkara gatnaşyklary institutynyň Administratiw-tehniki işgärleri taýýarlamak boýunça okuw merkezini (mundan beýläk - Merkez) üstünlikli tamamlan Türkmenistanyň raýatlary, Türkmenistanyň Daşary işler ministrliginde tälim alşy geçmekligi üçin, bäsleşik esasynda seçip almak amala aşyrylýar we bäsleşigi geçirmekligiň tertibi Türkmenistanyň Daşary işler ministrligi tarapyndan kesgitlenilýär.
Merkeziň okuwyny üstünlikli tamamlan we Türkmenistanyň Daşary işler ministrliginde tälim alşy geçmeklige bäsleşik esasynda seçilip alnan Türkmenistanyň ähli welaýatlarynda ýaşaýan raýatlary tälim alşy geçip bilýärler.
Tälim alşy geçmegiň esasy maksady administratiw-tehniki işi boýunça hünär bilimlerini we zerur tejribe endiklerini öwrenmekden ybarat.
Resminamalaryň kabul ediş möhleti 2019-njy ýylyň sentýabr aýynyň 2-den 20-e çenli, sagat 9-dan – 18-e çenli amala aşyrylýar.
Goşmaça maglumat almak üçin şu ýere ýüz tutup bilersiňiz: Aşgabat ş., Arçabil şaýoly, 108. Telefon: (+993-12) 44-57-84 ýa-da şuňa basyň.