Türkmenistanyň Prezidenti Gurbanguly Berdimuhamedow şu ýylyň awgust aýynyň ahyrynda Singapur Respublikasyna döwlet saparyny amala aşyrar. Wise-premýer, DIM-niň ýolbaşçysy R.Meredow ýakynda geçirilen hökümet mejlisinde Türkmenistanyň hökümet wekiliýetiniň Singapur Respublikasyna boljak döwlet saparyna görülýän taýýarlyk barada hasabat berdi.
Gepleşikleriň barşynda ikitaraplaýyn hyzmatdaşlygyň häzirki ýagdaýyny we geljegini, şeýle hem türkmen-singapur gatnaşyklaryny ösdürmegiň meselelerini öwrenmek meýilleşdirilýär.
Türkmenistanyň Prezidenti wise-premýere, DIM-niň ýolbaşçysyna ikitaraplaýyn gatnaşyklaryň taryhyna täze sahypany ýazjak, dürli ulgamlardaky netijeli hyzmatdaşlygyň ösdürilmegine kuwwatly itergi berjek Singapur Respublikasyna boljak döwlet saparyna görülýän taýýarlygyň ýokary guramaçylyk derejesini üpjün etmek boýunça anyk görkezmeleri berdi.
Belläp geçsek, 2019-njy ýylyň 11-nji iýunynda Singapurda türkmen-singapur syýasy geňeşmeleri geçirildi.
Türkmenistanyň Prezidenti Singapura döwlet saparyny amala aşyrar
- 18.08.2019 07:38
- 7.2k+
