Şu ýylyň 12-nji awgustynda «Awaza» milli syýahatçylyk zolagynda geçirilmegi meýilleşdirilýän Birinji Hazar ykdysady forumynyň çäklerinde şeýle-de Hazar innowasion tehnologiýalar sergisi gurnalar. Sergi 11-12-nji awgustyň dowamynda işlär. Oňa ykdysadyýetiň dürli pudaklaryndan bilermenler gatnaşar. Innowasiýalaryň we öňdebaryjy innowasion tehnologiýalaryň işlenip taýýarlanmagy we ulanylmagy serginiň esasy maksady bolar.
Dünýä ykdysady edebiýatynda berlen düşündirilişlere görä, innowasiýa ylmy-tehniki ösüşiň, täze önümlerde we tehnologiýalarda durmuşa ornaşdyrylmagyny aňladýar. Innowasiýalar uzakmöhletleýin gelejekde ykdysady ösüşi üpjün edýän esasy gural bolup hyzmat edýär.
Hazar innowasion tehnologiýalar sergisinde Türkmenistanyň Döwlet gümrük gullugy hem işine ornaşdyrylýan innowasion çözgütler boýunça stendini hödürlär.
Häzirki döwürde Türkmenistanyň Prezidentiniň bimöçber aladalary netijesinde ýurdumyzyň gümrük edaralaryna talaplaryna görä täze tehnologiýalary we innowasion çözgütleri ornaşdyrmak ýaly wezipeler üstünlikli durmuşa geçirilýär.
Türkmenistanyň Döwlet gümrük gullugy Awazadaky sergide öz stendini hödürlär
- 25.07.2019 01:19
- 11k+
