24-nji iýunda Türkmenistanyň Daşary işler ministrliginde Türkmenistanda öz missiýasyna başlaýan ÝUNISEF-iň Türkmenistandaky täze bellenilen wekili hanym Kristina Weýgand bilen duşuşyk geçirildi. Bu barada ýurdumyzyň DIM-niň saýty habar berýär.
Habarda bellenilişi ýaly, duşuşygyň başynda ÝUNISEF-iň Türkmenistandaky wekili öz ynanç hatlaryny gowşurdy. Kristina Weýgandy jogapkärçilikli wezipä bellenilmegi bilen gutlap, türkmen tarapy çagalaryň hukuklary bilen bagly ähli ulgamlarda bilelikde hereket etmäge hem-de goldamaga taýýardygyny beýan etdi. Öz gezeginde, Kristana Weýgand, mähirli arzuwlary üçin türkmen tarapyna minnetdarlyk bildirdi.
Özara bähbitli hyzmatdaşlygyň ösüşiniň netijeliligini belläp, taraplar çagalaryň meseleleri boýunça gatnaşyklary geljekde ösdürmekde meselelerini ara alyp maslahatlaşdylar. Hanym Weýgand köpýyllyk özara bähbitli hyzmatdaşlyk, Türkmenistanda 2018-2022-nji ýyllar döwri üçin çaganyň hukuklaryny amala aşyrmak boýunça hereketleriň Milli meýilnamasynyň kabul edilmegi, şeýle hem döwlet býujetinden sanjymlary we uny premix bilen baýlaşdyrmaga köpýyllyk maliýeleşdirýändigi üçin Türkmenistanyň Hökümetine minnetdarlyk bildirdi.
Mundan öň, Kristina Weýgand 2015-2019-njy ýyllarda ÝUNISE-iň Eýran Yslam Respublikasyndaky wekilhanasynyň ýolbaşçysynyň orunbasary wezipesinde işledi. 2012-2015-nji ýyllarda ÝUNISEF-iň Madagaskar Respublikasyndaky sosial syýasatyna ýolbaşçylyk etdi. Ol Maastriht uniwersitetini (Niderlandlar) dünýä ykdysadyýeti hünäri boýunça tamamlady.
Türkmenistanda ÝUNISEF-iň täze bellenilen wekili işläp başlady
- 24.06.2019 22:48
- 3k+
