«Hojalyk harytlary» hojalyk jemgyýeti kärhanada öndüriljek aşhana plitalarynyň nusgalaryny köpçülige hödürledi. Bu barada «Türkmenistan: Altyn asyr» elektron neşiri habar berýär. Bu plitalar Ýewropanyň öňdebaryjy tehnologiýalary esasynda taýýarlanyldy. Hödürlenilen nusgalaryň içinde — elektrik ot berýän funksiýasy bolan we duhowka şkafy bolan elektrik plitalar, şeýle hem utgaşdyrylan nusgalar we duhowka-gril bar.
Telekeçiler her ýylda alty müňe çenli gaz, elektrik we utgaşdyrylan plitalary öndürmegi meýilleşdirýär. Bu önümler daşary ýurtdan getirilen plitalar bilen bäsdeşlige ukyply bolar.
Kärhanada diňe bir türkiýeli önüm öndürijilerinden satyn alnan düzüm böleklerini ýygnamak işi däl ýola goýulman, eýsem, hususy önümçilikdäki dürli görnüşli ätiýaçlyk şaýlaryny öndürmek üçin niýetlenilen enjam hem satyn alyndy. Şeýlelikde, plitalaryň umumy möçberiniň düzüm bölekleriniň ýarysy gönüden-göni kärhanada öndüriler.
Gaz we elektrik plitalaryndan başga-da, «Hojalyk harytlary» hojalyk jemgyýeti ýakynda wagtda aşhana wytižkalaryny we tozan sorujylary öndürmekligi ýola goýmaklygy meýilleşdirýär.
ХО «Ходжалык харытлары» будет выпускать линейку кухонной техники
- 20.06.2019 23:51
- 6.3k+
