Türkmenistanyň futbol boýunça milli ýygyndysy FIFA-nyň şu gün täzelenen reýtinginde bir basgançak ýokary galdy.
Horwatiýaly hünärmen Ante Mişeniň ýolbaşçylygyndaky milli ýygyndymyz ýakynda Ugandanyň futbolçylary bilen geçirilen ýoldaşlyk duşuşygynda deňme-deň oýnap (0:0), reýtingde bir basgançak ýokary galyp, 135-nji orunda ýerleşdi. Reýtingiň ilkinji üç ornunda üýtgeşme bolmady. Birinji orny Belgiýa, ikinji orny Fransiýa eýeleýär. Öňdebaryjy üçlügi Braziliýanyň ýygyndysy jemleýär.
Ýakynda türken futbolçylary bilen ýoldaşlyk duşuşygyny geçiren Ugandanyň ýygyndysy 79-njy orundan 80-nji orna düşdi.
Eýranyň ýygyndysy ýene-de Aziýa yklymyndan iň ýokarky orny eýeleýär. Goňşularymyz täze sanawyň 20-nji ornunda.
Ýeri gelende aýtsak, Dünýä çempionaty – 2022-niň AFK yklymyndaky saýlama tapgyryna 5-nji sentýabrda badalga berler. Türkmenistanyň milli ýygyndysynyň saýlama tapgyrdaky garşydaşlary 17-nji iýulda geçiriljek bije çekişlikde belli bolar.
Türkmenistanyň futbol ýygyndysy FIFA-nyň reýtinginde 135-nji orna çykdy
- 14.06.2019 23:52
- 4.8k+
