Prezident Gurbanguly Berdimuhamedow Ylymlar akademiýasynda ylmy jemgyýetçiligiň wekilleri bilen geçiren duşuşygynda birnäçe resminamalara gol çekdi. Türkmenistandaky ylmy-barlag işleriniň netijeliligini ýokarlandyrmak boýunça gol çekilen resminama ýurduň durmuş-ykdysady ösüşine tizleşdirmäge, öňdebaryjy tehnologiýalary, innowasiýalary we ylmy gazananlary ulanmagyň esasynda ykdysadyýetiň ösmeginde ylmyň ornuny ýokarlandyrmaga gönükdirilendir. Şeýle hem Türkmenistanda ylmy barlaglaryň netijeliligini üpjün etmek boýunça pudagara topar döretmek hakynda hem resminama gol çekildi.
Geçirilýän ylmy maslahatlary, ylmy saparlary, ylmy innowasion açyşlary we bilelikdäki halkara ylmy taslamalary maliýeleşdirmekligi kämilleşdirmek maksady bilen Türkmenistanyň Prezidenti «Türkmenistanyň Ylymlar akademiýasynyň Ylymlary ösdürmegiň gaznasyny döretmek hakynda» karara gol çekdi.
Döwlet Baştutany Ylymlar akademiýasynyň we garamagyndaky ylmy edaralarynyň material-tehniki binýadyny mundan beýläk hem berkitmek, şeýle hem ýokary hünär taýýarlykly ylmy işgärleri taýýarlamakda döwlet goldawyny has hem giňeltmek üçin oňa 35 million manat (10 million amerikan dollary) möçberde pul serişdelerini bölüp bermegi karar etdi.
Şunuň bilen baglylykda, Türkmenistanyň Prezidenti Türkmenistanda ylym ulgamyny ösdürmegi maliýe taýdan goldamak hakynda karara gol çekdi.
Президент Туркменистана выделил Академии наук 35 млн манатов
- 12.06.2019 22:23
- 4.7k+
