Horwatiýaly tälimçi Ante Mişeniň ýolbaşçylygynda 2022-nji ýylda geçiriljek dünýä çempionatynyň saýlama tapgyrynyň taýýarlygynyň çäginde BAE-de okuw-türgenleşik ýygnanyşygyny geçirýän futbol boýunça Türkmenistanyň milli ýygyndysy Ugandanyň ýygyndy topary bilen ýoldaşlyk duşuşygyny geçirdi. Abu-Dabiniň “New York University” stadionynda geçirilen duşuşyk 0:0 hasabynda tamamlandy.
Ýeri gelende aýtsak, ýygyndy toparymyz 3-11-nji iýun aralygynda BAE-de okuw-türgenleşik ýygnanyşygy geçirýär.
Türkmenistanyň milli ýygyndysynyň esasy düzümi: Mämmet Orazmuhammedow (d), Güýçmyrat Annagulyýew, Şöhrat Söýünow, Mekan Saparow, Wezirgeldi Ylýasow, Arslanmyrat Amanow (k), Artur Geworkýan, Gurbangeldi Batyrow, Serdar Geldiýew, Altymyrat Annadurdyýew, Wahyt Orazsähedow.
Uganda 1960-njy ýyldan bäri FIFA-nyň agzasy we 1959-njy ýyldan bäri KSF-nyň agzasy bolup durýar. Ýygyndy iň ýokary üstünligini 1978-nji ýylda Afrikan Milletleriniň Kubogynyň final duşuşygyna çykmak bilen gazandy. Ýygyndyny fransuz hünärmeni Sebastýan Dezabre türgenleşdirýär. Ugandanyň ýygyndysy FIFA-nyň reýtinginde 79-njy ýerde durýar.
Türkmenistan Uganda bilen ýoldaşlyk duşuşygyny 0:0 hasap bilen oýnady
- 10.06.2019 23:02
- 2.7k+
