Russiýanyň «KAMAZ» kompaniýasy 2019-njy ýylda Türkmenistan bilen ýylda 1 müňe golaý awtoulagy getirmek boýunça şertnama gol çekmegi meýilleşdirýär, diýip Trend agentligi TASS agentligine salgylanyp habar berýär. Bu barada kompaniýanyň baş direktory Sergeý Kogogin belledi.
Bu barada Peterburg halkara ykdysady forumynyň çäklerinde beýan edildi. «(Türkmenistan bilen) ýokary derejede gepleşikler geçirildi. Şertnamany taýýarlamak işleri alnyp barylýar... Şertnamany şu ýyl baglanyşmaga bil baglaýarys» - diýlip habarda telekeçiniň sözleri getirilýär.
Ýatlatsak, Türkmenistan Russiýanyň öňdebaryjy ýük maşyngurluşyk kärhanasynyň önümlerini iri hem-de durnukly satyn alyjylaryň biridir. 2008-2028-nji ýyllar aralygyndaky döwürde «KAMAZ» kysymly jemi 9 müňden gowrak ýük awtomobilleri we ýöriteleşdirilen tehnikalar satyn alyndy. Bu ýük awtomobilleri we ýöriteleşdirilen tehnikalar ýurdumyzyň ykdysadyýetiniň dürli pudaklarynda üstünlikli peýdalanylýar. Türkmenistanda Aşgabatda, Balkanabatda, Maryda we Türkmenabatda hereket edýän «KAMAZ-yň» dilerlik tory döredildi.
«KAMAZ» Türkmenistana ýylda 1 müň ýük awtoulagyny satmak boýunça şertnama baglaşar
- 09.06.2019 00:12
- 5.1k+
