7-nji iýunda Minskide başa-baş göreş dünýäsinde möhüm waka bolup geçer. «BFC-45» ýaryşy K-1-den, taýland boksundan, MMA-dan we GMMA professional toparlaýyn bäsleşiginden iň gowy türgenleri jemlär, diýip Turkmenportal Tikcetpro.by saýtyna salgylanyp habar berýär.
Turniriň çäklerinde belarus türgenleri: Ýuriý Žukowskiý, Murat Azerbiýew, dünýä kikboksinginiň ýyldyzy Alýona Leşkewiç duşuşar. Professional muaý-taý düzgünleri boýunça Türkmenistanyň çempiony Aman Berdigulyýew we Ýewropanyň çempionatynyň kümüş medalynyň eýesi Andreý Çigileýk duşuşyk.
Duşuşyk agşamynda şeýle hem MMA düzgünleri boýunça halkara bäsleşikleriniň çempionlary we ýeňijileri Şamil Ýahýew we Timofeý Olşannikow, Wladislaw Nowisskiý we Turhan Süleýman ogly, Waleriý Daşkewiç we Pawel Monid duşuşar.
Agyr agramlarda çykyş edýän Wadim Litwin bilen Andreý Žukowskiýniň rewanşyny aýratyn bellemek bolar. Ýatlap geçsek, ilkinji çekeleşikli duşuşykda Wadim Litwin ýeňiji bolmagy başarypdy.
Belarusda geçiriljek ýaryşa «King of King» we «Bushido» promouter kompaniýasynyň ýolbaşçysy Donatas Simonaýtis gatnaşar. Duşuşyklaryň netijeleri boýunça ol «КОК» we «Bushido» ýaryşlarynda çykyş etmek üçin iň ökde türgenleri saýlap alar.
Göreşiji Aman Berdigulyýew Minskdäki BFC-45 ýaryşyna gatnaşar
- 07.06.2019 01:24
- 10k+
