Туркменские велосипедисты установили новый мировой рекорд

Türkmen welosipedçileri 2019-njy ýylyň 1-nji iýunynda Aşgabadyň Olimpiýa şäherçesinde iň dowamly, bir nyzamly welosipedli ýöriş geçirip, dünýä rekordyny täzelediler. Bu barada Bütindünýä welosiped güni mynasybetli köpçülikleýin welosipedli ýörişiň dabaralarynyň çäklerinde «Guinness World Records» kompaniýasynyň resmi wekili hanym Şeýda Subaşi-Gemiji Türkmenistanyň Prezidentine habar berdi.
Giň möçberli çärä 2019 sany welosipedçiler biri-biri bilen kesgitli aralykda bir hatara düzüldiler we Olimpiýa şäherçesiniň daşyndan öwrüm edip, 3300 metr aralygy geçdiler.
Aşgabatda 2019-njy ýylyň 3-nji martynda Hindistanda goýlan rekord täzelendi. Ginnesiň rekordlar kitabynyň resmi wekili we emin Şeýda Subaşi-Gemiji bellige aldy. Bu waka «Guinness World Records» kompaniýasy tarapyndan bellige alyndy we degişli güwänama bilen tassyklanyldy. Ol güwänama Gurbanguly Berdimuhamedowyň başlangyjy esasynda Birleşen Milletler Guramasy tarapyndan guralan Bütindünýä welosiped güni mynasybetli dabarada gowşuryldy. Şeýlelikde, türkmen paýtagty gazanýan üstünliklerini, şol sanda sport ulgamynda eýeleýän sepgitlerini dowam etmek bilen, ýene-de Ginnesiň rekordlar kitabyna girdi.
Bu sanawda eýýäm Aşgabatda Olimpiýa şäherçesiniň desgalary bar. Munuň özi Olimpiýa stadionyndaky ahalteke bedewiniň çeper şekilidir we dünýäde iň uly ýapyk ýüzüş howdanly suw sport toplumydyr. Olimpiýa şäherçesiniň düzümine şu görnüşdäki desgalara bildirilýän halkara ölçeglere laýyk gelýän ýapyk welotrek girýär. Bu sport toplumynda diňe bir türgenleşikleri däl, eýsem, sebit we dünýä ähmiýetli çempionatlary geçirmek mümkinçiligi döredilendir.
Tomsuň ilkinji günleriniň birinde geçirilen welosipedli ýöriş hereket etmegiň iň bir peýdaly we ekologiýa taýdan arassa görnüşi hökmünde Türkmenistanda barha işjeň häsiýete eýe bolýan sportuň bu görnüşiniň ilat arasynda uly meşhurlyga eýe bolýandygynyň nobatdaky subutnamasydyr.