Türkmenistanda Bütindünýä welosiped güni bellenilip geçilýär

3-nji iýunda bütin dünýäde bolşy ýaly, Türkmenistanda Bütindünýä welosiped güni giňden bellenilip geçilýär, diýip CentralAsia.news habar berýär. Bütindünýä welosiped güni Türkmenistanyň başlangyjy bilen 2018-nji ýylyň aprelinde BMG-niň Baş Assambleýasynyň 72-nji mejlisinde esaslandyrylypdy. «Bütindünýä welosiped güni» Rezolýusiýasynyň awtordaşlary hökmünde 56 döwlet çykyş edip,resminama 198 döwletiň ählisi tarapyndan biragyzdan kabul edildi.
Bu gün köpçülikleýin welosipedli ýörişler we dürli sport çäreleri göz öňünde tutuldy. Baýramçylyk çärelerine köp sanly meşhur daşary ýurtly welosipedçileriň gatnaşmagyna garaşylýar. Bütindünýä welosiped güni mynasybetli ýakynda Türkmenistanyň daşary ýurtlardaky diplomatik wekilhanalary welosipedli ýörişleri gurnadylar. Türkmen hem-de daşary ýurtly diplomatlaryň, jemgyýetçilik, sport guramalarynyň ýolbaşçylarynyň, ýaşlaryň, şo sanda daşary ýurtlaryň ýokary okuw mekdeplerinde bilim alýan türkmen talyplarynyň gatnaşmagynda köpçülikleýin welosipedli ýörişler Özbegistanyň we Buharestiň paýtagtlarynda gurnaldy.
Ýatlap geçsek, welosport — Olimpiýa oýunlarynyň maksatnamasyna girizilen dünýäde iň meşhur hem giňden ýaýran sport görnüşleriniň biridir. Onuň taryhy 1869-njy ýylda Fransiýada Pariž we Ruan şäherleriniň arasynda gurnalan ilkinji köpçülikleýin ýaryşlardan gözbaş alýar.
2021-nji ýylda Aşgabatdaky Olimpiýa şäherçesinde welotrek boýunça dünýä çempionaty geçiriler. Türkmen paýtagty trekdäki welosport boýunça dünýä çempionatyny kabul etjek Aziýa yklymyndaky üçünji şäherdir. Öň bu ýaryşlar Ýaponiýanyň Maebasi we Hytaýyň Gonkong şäherlerinde geçirildi.