3-5-nji iýulda Türkmenistanda ilkinji gezek awtomobil sergisi geçiriler

«Türkmen sährasy-2019» atly halkara awtomobil sergisiniň guramaçylyk komiteti öz saýtyny işe girizdi. www.turkmensahrasy-2019.com saýtynda okyjylara maglumatlary 3 dilde: türkmen, rus we iňlis dillerinde okamaga mümkinçilik berýär. Bu barada Turkmenportal habar berýär.
Halkara awtomobil sergisi şu ýylyň 3-5 iýulynda Aşgabat şäherinde Türkmenistanyň Söwda Senagat edarasynyň «Sergiler köşgünde» geçiriler. Ilkinji gezek bu sergi Türkmenistanyň Içeri işler minisrligi, Türkmenistanyň awtomobil ulaglary ministrligi we Söwda-senagat edarasy bilen bilelikde gurnalýar. Bu sergi ýurdumyzda 2009-njy ýyldan bäri geçiriljek ilkinji awtomobil sergisi bolar.
Resmi saýtda berilýän maglumatlara görä, sergä gatnaşyjylara täze ýeňil, ýolagçy, ýük awtoulaglarynyň hem-de awtoulaglary bejermek üçin ýöriteleşdirilen tehnikalaryň, awtomobil gurluşygynyň innowasion tehnologiýalary, awto we elektronikada täze harytlaryň, gorag we gabaw ulgamlary hem-de howpsuzlygy üpjün etmek üçin gerek bolan tehnalogiýalaryň dürli görnüşleri görkeziler.
Serginiň esasy maksatlarynyň biri esasan, Türkmenistana awtomobil gurluşygynyň innowasion tehnologik çözüwlerini çekmek, awtomobil ulag gurallaryny öndürmek hem-de awtomobil ulaglaryna doly hyzmaty gurnamak bolup durýar. Her ýylda şu görnüşdäki sergiler, awtomobilgurluşygy, abzallar, enjamlar, aksessuarlar we işewürlik gepleşikleri üçin meýdança bolup hyzmat edýär. Bu sergide size diňe Türkmenistanyň däl, eýsem, bütin dünýä bazaryndaky awtomobil gurluşygynda täzelikler bilen tanyş bolmaga mümkinçilik dörär.
«Türkmen Sährasy-2019» Halkara sergisiniň çäginde awtomobil önümlerini öndürijiler bilen işewürlik duşuşyklary geçiriler. Sergä girelge mugt.