«Play merket-iň» programmalar magazininde Android operasion ulgamynyň binýadynda «Mymyjaklar» («Fuzzies») atly üç dilde smartfonlar üçin niýetlenen ilkinji türkmen oýny peýda boldy, diýip Turkmenportal habar berýär.
Fuzzies atly birtopar dürli reňkli togalajyk jandarlar bolan oýunda tortjagazlar we siziň strategiki başarnyklaryňyz zerur. 5 ýa-da ondan köp meňzeş reňkli topjagazlary dikligine, keseligine ýa-da diagonal görnüşde hatara düzen ýagdaýyňyzda şol hatar ýitýär. Bu oýun türkmenistanly Bagtyýar Jelilow tarapyndan döredildi. Smartfonlar üçin niýetlenilen ilkinji türkmen oýnunyň döredilmeginiň maksady — «Türkmenistanda sanly ykdysadyýete geçmegiň 2019-2025 ýyllar üçin Konsepsiýasyna» goşant goşmak bolup durýar.
Bu oýun «Google Play-e» ilkinji gezek 2019-njy ýylyň ýanwarynda iňlis we rus dillerinde ýüklenilipdi. Ýakynda bolsa, onuň obnowleniýesi çykarylyp, türkmen dili hem goşuldy. Ýakyn geljekde hytaý. Fransuz we türk dillerini goşmak meýilleşdirilýär.
Fuzzies diýlip atlandyrylýan 7 sany dürli reňkli topjagazlar sizi özleri bilen ýatdan çykmajak syýahata alyp gider. Özboluşly we täsin logiki oýun bolan Fuzzies Türkmen oýny 3 bölümden we 90 tapgyrdan ybarat. 5 sany meňzeş reňkli topjagazlar hataryny nähili düzjegiňizi meýilleşdirmeli, kyn derejelerden geçmek üçin güýçlendirijileri ünsli ulanmaly.
Oýny «Google Play-den» ýükläp alyp bolýar.
«Google Play-da» smartfonlar üçin ilkinji türkmen oýny peýda boldy
- 29.05.2019 05:26
- 5.7k+
