Вечер Туркменистана прошёл в московском «Шатре Рамадана»

Moskwadaky Poklonnyý goradaky Memorial metjidiniň ýanynda «Remezan çadyrynda» Türkmenistanyň agşamy geçirildi, diýip Orient saýty habar berýär.
Agzaçaryň begenjini paýlaşmak üçin bu ýere Türkmenistanyň Russiýadaky ilçisiniň maslahatçysy Serdar Durdyýew, Türkmenistanyň Russiýadaky Adatdan daşary we Doly ygtyýarly ilçisi Batyr Nyýazlyýew, şeýle hem Russiýadaky türkmen kowçumynyň ýolbaşçysy Mämmet Klyçew gatnaşdy. Serdar Durdyýew öz çykyşynda bu taslamany gurnaýjylara hem-de bu agşamy geçirmäge gatnaşanlaryň ählisine minnetdarlyk bildirdi. «Ýylyň ýylyna «Remezan çadyrynyň» çäkleri has giňelýär, bu ýere gelýänleriň sany barha artýar. Bu taslama gatnaşmak biziň üçin örän begendiriji ýagdaý. Hemmelere bagt, abadançylyk hem-de saglyk arzuw edýärin» diýip, ol belledi.
Bu çäräniň dowamynda «Çadyryň» hormatly myhmanlary çykyş etdiler. Medeni maksatnamanyň çäklerinde myhmanlaryň öňünde sungat ussatlary çykyş etdiler, tanyşdyryjy wideoşekiller görkezildi. Şeýle hem bu agşamda dini jemgyýetçiligiň wekilleri çykyş etdiler.
«Remezan çadyry» Moskwanyň Musulmanlarynyň dini müdirligi tarapyndan her ýylda geçirilýär. Gurnalyp başlanyndan bu günki güne çenli bu çäreler musulman myhmansöýerliginiň aýdyň beýanyna öwrüldi. Bu günki güne çenli bu ýerde Pakistanyň, Türkiýäniň, Azerbaýjanyň, Özbegistanyň we beýlekileri agşamy geçirildi.