Göreşiji Mekan Meretdurdyýew Witebskde MMA-da Sergeý Nawoýewden üstün çykdy

Witebsk (Belarus) şäherinde MMA-nyň garyşyk başa-baş göreş boýunça professional ýaryşlary geçirildi. Bu ýaryşda türkmenistanly Mekan Meretdurdyýew ýeňil agramda ilkinji ýaryşyny geçirdi. Ol 71 kilograma çenli agram derejede çykyş edip, Sergeý Nawoýewden ynamly üstün çykdy, diýip Turkmenportal «Нейтральный Туркменистан» gazetine salgylanyp habar berýär.
Birnäçe ýyllaryň dowamynda Mekan Türkmenistanyň hanmudo fededarasiýynyň başlygy, at gazanan tälimçisi Orif Buharakowyň we sport ussady Şöhrat Allaýewiň elinde türgenleşik geçýär.
Başa-baş göreşiň dürli görnüşleri boýunça ençeme gezek Türkmenistanyň çempiony bolmagy başaran Mekan Meretdurdyýew halkara derejesinde hem birnäçe baýraklary eýeledi. Mysal üçin, 2016-njy ýylda ol Azerbaýjanda geçirilen pençak-silat boýunça «Parahatçylyk kubogy» ugrundaky ýaryşda bürünç medal aldy.
Watandaşymyzyň garşydaşy Sergeý Nawoýew grepling we söweş pankration boýunça Belarusuň çempiony. Mekan onuň bilen göreş wagtynda birinji periodyň bir ýarym minudy geçenden soňra garşydaşyny tehniki nakauta ýatyrdy. Bu ajaýyp ýeňiş türkmen türgenine uly sportuň gapysyny açdy.
Häzirki wagtda 19 ýaşly Mekan P.M.Maşerow adyndaky Witebsk döwlet uniwersitetiniň hukuk fakultetiniň ikinji kursuny tamamlaýar. Watanymyza dolanyp gelenden soňra, ol göreş sungaty bilen meşgullanmagyny dowam eder. Geljekde ol ýaş, zehinli türkmen türgenleri bilen tejribesinni paýlaşmak üçin tälimçi bolmagy meýilleşdirýär.
MMA halkara ýaryşy Witebskde geçdi. Bu abraýly ýaryşa Türkmenistandan, Täjigistandan, Russiýadan, Gyrgyzystandan, Latwiýadan, Belarusdan, Fransiýadan türgenler gatnaşdy.