Ýakynda Türkmenistanyň Sport we ýaşlar syýasaty ministri hem-de Daşary işler ministriniň orunbasary we Milli Olimpiýa komitetiniň Baş Sekretary Halkara Sambo federasiýasynyň (FIAS) prezidenti W.Şestakowyň çakylygy boýunça Russiýa Federasiýasynyň Moskwa şäherinde saparda boldular. Bu barada Türkmenistanyň daşary syýasat edarasynyň saýty habar berýär.
Türkmen wekiliýeti FIAS-nyň Moskwadaky edarasynda 2020-nji ýylda Aşgabatda geçiriljek Sambo boýunça dünýä çempionatynyň birnäçe meselelerini ara alyp maslahatlaşdylar. Halkara Sambo federasiýasynyň ýerine ýetiriji komitetiniň 2019-njy 22-nji martynda geçirilen mejlisinde şeýle iri göwrümli çäräniň Türkmenistanda geçirilmegi hakyndaky karar kabul edildi.
Halkara Sambo federasiýasynyň prezidenti W.Şestakow bilen duşuşygyň hem-de Sambo boýunça dünýä ýaryşynyň Aşgabatda geçirilmegi boýunça ýörite döredilen iş toparynyň mejlisine laýyklykda degişli şertnama gol çekildi.
Aşgabatda geçiriljek Sambo boýunça dünýä çempionatyna taýýarlyk dowam edýär
- 24.05.2019 05:57
- 1.9k+
