«Merjen aý» HK gurluşyk reňkleriniň önümçiligini giňeldýär

«Merjen aý» hususy kärhanasy şu ýylda bezeg işlerinde peýdalanmak üçin suw-emulsiýa reňkleriniň 2 müň tonnasyny öndürmegi meýilleşdirýär. Telekeçi Ýakup Işanow sekiz ýyl mundan ozal ýurtda ilkinjileriň hatarynda uly isleg bildirilýän bu gurluşyk harydynyň önümçiligini gurnapdy. Häzirki wagtda bu HK bazaryň bu toplumynda öňdebaryjy kompaniýalaryň birine öwrüldi.
Ilkibaşda, bu kärhana içerki abatlaýyş-bezeg işleri üçin reňkleri öndürmekden başlap, soňlugy bilen — binalaryň fasadlary, diwarlaryň we potoloklaryň ýüzi üçin suw emulsion akril we silikon reňkleri öndürip başlady.
Häzirki wagtda has gymmat import harytlarynyň ornuny tutýan «Merjen aý» HK-nyň köp sanly önümleri gurluşyk firmalary we potratçy edaralar tarapyndan uly islegden peýdalanylýar.
Ahal welaýatynyň Ak bugdaý etrabynda hereket edýän kärhanada agaç we metal gurluşlaryň ýüzüne çalmak üçin emal reňkleri öndürmeklige taýýarlyk işleri dowam edýär. Bu ýerde 4 reňkli önümleriň önümçiligine mümkinçilik berjek, önümleriň poslamadan goragyny üpjün etjek hem-de ulanyş möhletini uzaltjak enjamlar oturdylar.