31-nji maýda Aşgabatda geçiriljek Garaşsyz Döwletleriň Arkalaşygynyň Hökümet Baştutanlarynyň mejlisinde intellektual eýeçilikdäki obýektlere bolan hukuk ulgamynda GDA gatnaşyjy döwletleriň gümrük gulluklarynyň bilelikdäki hereketi hakynda ylalaşygyň taslamasyna garamak meýilleşdirilýär.
BELTA habarlar agentliginiň GDA-nyň Ýerine Ýetiriji geňeşiniň maglumat-seljerme departamentine salgylanyp habar bermegine görä, bu ylalaşyk kontrafakt (gadagan edilen) harytlaryň dolanyşygyny ýüze çykarmak we öňüni almak üçin maglumat alyşmak meseleleri boýunça Arkalaşyga gatnaşýan döwletleriň gümrük gulluklarynyň özara hereketiniň ýeňilleşdirilmegini göz öňünde tutýar.
Hökümet Baştutnalarynyň duşuşygynyň gün tertibine 2030-njy ýyla çenli döwür üçin innowasion hyzmatdaşlygyň döwletara maksatnamasynyň taslamasyny işläp düzmek meseleleri hem girizildi. Täze resminama bu ugurdan 2020-nji ýylda tamamlanýan öňki maksatnamanyň logiki dowamy bolar.
Şeýle hem GDA döwletleriniň hökümet Baştutanlarynyň düýpli ylmy barlaglar ulgamynda döwletara gatnaşyklary utgaşdyrmak hakynda ylalaşyga gol çekmek hem meýilleşdirilýär.
Mejlisde şeýle hem GDA-da harytlaryň gelip çykyşyny kesgitlemegiň düzgünlerini, Arkalaşygyň döwletleriniň çäklerinden üstaşyr geçirmegiň tertibini üýtgetmek we üstüni ýetirmek we ş.m. beýleki meselelere seredip geçmek meýilleşdirilýär.
GDA döwletleriniň gümrük gulluklarynyň bilelikdäki hereketi boýunça ylalaşyk kabul edildi
- 22.05.2019 06:22
- 1.6k+
