AFK-nyň Kubogynyň dördünji tapgyry paýtagtymyzyň “Altyn Asyry” üçin örän şowly boldy. Türkmenistanyň geçen ýylky çempiony öz meýdanynda täjikleriň “Hujandyny” 1:0 hasabynda ýeňlişe sezewar etdi, diýip Türkmenistanyň Futbol feerasiýasynyň resmi saýty habar berýär. Paýtagtymyzyň toparyna ýeňiş getiren topy oýnuň 32-nji minutynda Murat Ýakşiýew geçirmegi başardy.
“D” toparçasynyň beýleki duşuşygy Bişkekde geçirilip, onda ýerli “Dordoý” Duşenbeniň “Istiklolyny” kabul etdi. Bu duşuşyk 2:1 hasabynda “Dordoýyň” peýdasyna tamamlandy. Ýer eýelerine ýeňiş getiren toplaryň birini türkmenistanly hüjümçi Wahyt Orazsähedow öz adyna ýazdyrdy. Şeýlelikde, Merkezi zolagyň “D” toparçasynda geçirilen dört tapgyrdan soň 7 utuk toplan “Istiklol”öňdäki orny eýeleýär. 6 utugy bolan “Altyn Asyr” ikinji, 4 utukdan toplan “Hujand” bilen “Dordoý” üçünji, dördünji orunlary eýeleýärler. “D” toparçada bäşinji tapgyryň duşuşyklary 19-njy iýunda geçirilip, “Altyn Asyr” “Dordoýy”, “Hujand” bolsa “Istikloly kabul eder.
