“Arkalaşygyň ýyldyzlary” döwletara baýragynyň eýeleri belli edildi

Aşgabatda GDA gatnaşyjy döwletleriň döredijilik we ylmy intelligensiýasynyň XIV forumynyň çäklerinde ylym we bilim, medeniýet we sungat ulgamlaryna goşan goşantlary üçin gowşurylýan «Arkalaşygyň ýuldyzy» döwletara baýragynyň eýelerini sylaglamak dabarasy geçirildi.
Baýraklary Türkmenistanyň Mministrler Kabinetiniň Başlygynyň orunbasary Bahargül Abdyýewa, GDA gatnaşyjy döwletleriň ynsanperwer hyzmatdaşlyk boýunça Geňeşinde Azerbaýjan Respublikasyndan ýolbaşçysy, Azerbaýjan Respublikasynyň Russiýa Federasiýasynda ilçisi Polat Bilbil ogly gowşurdy.
Şeýlelikde, 2018-nji ýylda «Arkalaşygyň ýyldyzy» döwletara baýragynyň eýeleri şulardan ybarat:
Atageldi Garýagdyýew — Türkmenistanyň halk artisti, Türkmen milli konwerwatoriýasynyň professory.
Rauf Abdullaýew – Azerbaýjanyň halk artisti, sungatda at gazanan işgäri, Azerbaýjanyň Uzeir Gajibeýli adyndaky Döwlet simfoniki orkestriniň çeper ýolbaşçysy we baş dirižýory;
Robert Elibekýan — Ermenistan Respublikasynyň halk suratkeşi;
Pýotr Witýaz, Aleksandr Ilýuşenko, Mihail Andreýew — alymlar, O.W.Roman adyndaky Poroşok metallurgiýasy belarus instiutytynyp awtorlar topary;
Ýesenguly Röwşenow — gazak şahyry, «Žazuşy» neşirýatynyň direktory;
Mar Baýjiýew — Gyrgyz Respublikasynyň halk ýazyjysy, Gyrgyz Respublikasynyň Kinoakademiýasynyň Prezidenti;
Ion Ababiý — lukmançylyk ylymlarynyň doktory, Moldowa döwlet lukmançylyk we derman senagaty uniwersitetiniň rektory;
Mihail Kowalçuk — Russiýanyň Ylymlar akademiýasynyň habarçy agzasy, «Kurçatowskiý institut» Russiýa milli barlag merkeziniň Prezidenti;
Ulmas Mirsaidow — Täjigistan Respublikasynyň Ylymlar akademiýasynyň Ýadro we radiasion howpsuzlyk agentliginiň baş ylmy hünärmeni.