26-27-nji maýda «Türkmen halysy we dokmasy — dünýäniň bezegi» atly halkara sergi geçiriler

26-27-nji maýda Aşgabatda «Türkmen halysy we dokmasy — dünýäniň bezegi» atly haly we dokma önümleriniň halkara sergisi we türkmen halyşynaslarynyň bütindünýä jemgyýetiniň XIX mejlisi geçiriler, diýip ýurdumyzyň Söwda-senagat edarasynyň saýty habar berýär.
Türkmenistanyň haly we dokma önümleriniň halkara sergisi dünýäniň dokma senagatynyň ýörgünli tendensiýalaryny, häzirki zaman tehnologiýalaryny we täzeçilliklerini görkezmek, bu ugurda daşary ýurtly hyzmatdaşlary uzakmöhletleýin hem-de özara bähbitli hyzmatdaşlyga çekmek üçin ajaýyp meýdança öwrüler.
Sergide pagta süýümini gaýtadan işleýän senagatyň ägirt uly mümkinçilikleri tanyşdyrylar. Bu mümkinçilikler ýurdumyzyň Merkezi Aziýa sebitinde iri dokma egriji kärhanalarynyň önümleri arkaly görkeziler. 
Ýüplükleriň we matalaryň nusgalary görkezilen diwarlyklar myhmanlaryň dykgatyna ýetiriler. «Türkmenistanda öndürilen» söwda belgili ekologiýa taýdan arassa pagtadan öndürilen ýerli dokma önümlerimmiz — Türkmenistanyň eksportynyň möhüm düzüjisidir. Bu günki gün dünýäde tanalýan milli söwda belgimizdir.