«Tekmil» hususy kärhanasy 2020-nji ýylyň oktýabryndan 2021-nji ýylyň apreli aralygynda Dubaýda (Birleşen Arap Emirlikleri) geçiriljek «EXPO 2020» halkara sergisinde Türkmenistanyň milli pawilýonyny taslamak, enjamlaşdyrmak, bezemek, dolandyrmak hem-de sergi tamamlanandan soňra söküp aýyrmak işlerini alyp barar. Bu babatda Türkmenistanyň Prezidentiniň Karary bilen Söwda we daşary ykdysady aragatnaşyklar ministrligine hususy kärhana bilen şertnama baglanyşmaga ygtyýar berildi.
Ýakyn Gündogar we Afrika sebitinde ilkinji gezek Dubaý şäherinde geçirilýän “EKSPO-2020” sergisine 6 aýyň dowamynda 25 milliondan gowrak syýahatçynyň gatnaşmagyna garaşylýar. “Pikirleri birleşdirmek bilen geljegi döredýäris” şygary astynda geçiriljek bu halkara sergä 190-dan gowrak döwletiň gatnaşmagy meýilleşdirilýär.
«World Expo 2020-de» resmi pawilýony täze «Dubai Trade Center» resmi meýdançasynda ýerleşdiriler. Ol Jebel Ali etrabynda ýerleşýär we ýörite sergi üçin taslamalaşdyrylan 438 gektar meýdany eýeleýär. Ol Dubaýdaky Al Maktoum International täze howa menzilinden birnäçe minutlyk ýolda, Dubaý bilen Abu-Dabiden deň aralykda ýerleşdiriler. Pawilýon şeýle hem TECOM, Dubai Sports City we Dubai Marina ýaly meşhur etraplaryň golaýynda ýerleşýär. Mundan başga-da, Dubai World Expo pawilýonynyň gurluşygy taslamalaşdyrylanda ekologiýa ýörelgeleri nazara alyndy. Şonuň çäklerinde sergini geçirmek üçin zerur bolan energiýanyň 50%-ni öndürmäge ukyply bolan Gün batareýalary dörediler.
«Tekmil» kompaniýasy «EXPO 2020-de» Türkmenistanyň milli pawilýonyny gurnar
- 12.05.2019 05:56
- 2.6k+
