Kuban döwlet uniwersitetiniň (Krasnodar, Russiýa Federasiýasy) sport toplumynda Russiýanyň we beýleki birnäçe daşary ýurt döwletleriniň talyp ýygyndylarynyň arasynda futbol boýunça V ýaryş gurnaldy. Bu ýaryşda biziň ýurdumyza Türkmenistanyň Astrahanadaky Konsullygynyň ýardam bermeginde döredilen «Hazar» topary wekilçilik etdi. Toparyň düzümine Krasnodar ülkesiniň ýokary okuw mekdeplerinde bilim alýan talyplar girdi. Bu barada «Altyn asyr: Türkmenistan» internet neşiri habar berýär.
Türkmen topary ýarym final duşuşygyna çenli barmagy başardy. Beýik Ýeňşiň 74 ýyllygynyň öňüsyrasynda geçirilen talyp kubogyny almak ugrundaky ýaryş dostlukly ruhda geçirildi.
Ýaryşda ýeňijilere medallar we Hormat hatlary gowşuryldy.
«Hazar» türkmen topary Krasnodarda geçirilen futbol ýaryşyna gatnaşdy
- 10.05.2019 05:35
- 1.6k+
