Türkmen küştçüsi Meýlis Annaberdiýew Türkiýede geçirilen Açyk halkara bäsleşiginde ikinji orun aldy.
Birinji oýnuny Türkiýäniň şäheri Mersinden gelen garşydaşy bilen deňme-deňlikde tamamlan Meýlis ikinji tapgyrda Eýrandan gelen bäsdeşini ynamly ýeňmegi başardy. Slowakiýadan gelen Milan Paher bilen bolan oýun iň möhüm hem çylşyrymly oýun boldy. Meýlis bu tapgyry hem deňme deňlikde tamamlady.
Netijede 9 raunddan soň slowakiýali küştçi hiç bir oýunda hem ýeňlişe sezewar bolman, bäsleşikde ýeňiji bolmagy başardy. Meýlis Annaberdiýew bäsleşigiň dowamynda diňe Türkiýäniň Izmir şäherinden gelen Ýefe Mert Gylyçdan ýeňildi.
Şu ýylda 5-nji Açyk halkara bäsleşigi Türkiýäniň Ordu şäherinde geçirildi. Küşt boýunça bu abraýly halkara ýaryşyna şu ýyl dünýäniň onlarça döwletinden ýüze golaý küştçi gatnaşdy.
Türkmen küştçüsi Türkiýedäki halkara ýaryşda kümüş medal eýeledi
- 08.05.2019 05:51
- 1.4k+
