Geljekde zerur bolan ýagdaýynda «Günorta gaz geçelgesi» taslamasyna («GGG») beýleki gaz çeşmeleri hem goşulyp biler, diýip ÝB-niň Azerbaýjandaky ilçisi Kestutis Ýankauskas Trend agentligine beren interwýusynda belledi.
«Geljekde eger-de isleg artsa we giňeltmek hem-de ibermek üçin mümkinçilik kän bolsa, muny birnäçe goşmaça stansiýalaryň üsti bilen edip bolar. Ine, şonda goşmaça gaz boýunça mesele ýüze çykyp biler» - diýip Ýankauskas belleýär.
ÝB-niň Azerbaýjandaky ilçisiniň bellemegine görä, Türkmenistan tarapyndan taslama goşulmaga gyzyklanma bildirilýär.
Onuň bellemegine görä, «Günorta gaz geçelgesiniň» Konsultatiw geňeşiniň mejlisiniň çäklerinde ministrleriň soňky duşuşyklarynda mümkin bolan isleg we taslamany giňeltmegiň mümkinçilikleri, şeýle hem gazyň goşmaça çeşmeleri ara alnyp maslahatlaşyldy.
«Günbatar Balkan döwletleri hem «GGG» infrastrukturasynyň giňeldilmegine gyzyklanma bildirýärler. Meniň pikirimçe, bu ugurda eýýäm birnäçe taslamalar işlenip düzüldi» - diýip ilçi aýtdy.
Ýankauskasyň bellemegine görä, «Günorta gaz geçelgesi» täze taslamalary durmuşa geçirmäge ýol açar.
Azerbaýjan gazynyň Ýewropa 2020-nji ýylyň başynda 10 mlrd kub metr möçberde gelmegine garaşylýar. Mundan başga-da, 6 mlrd kub metr azerbaýjan gazy Türkiýäniň günbatar sebitlerine iberilýär. Türkiýä ibermeler 2018-nji ýylyň tomsunda badalga aldy.
Türkmenistan «Günorta gaz geçelgesi» taslamasyna goşulyp biler
- 07.05.2019 04:20
- 1.7k+
