Türkmenistanly türgenler Almaatada geçirilen Bodibilding we fitnes boýunça Merkezi Aziýanyň 10-njy birinjiliginde 6 sany baýraga mynasyp bolmagy başardylar. Bu ýaryşa 100-den gowrak türgen gatnaşdy, diýip arzuw.news habar berýär.
«Erkekleriň arasynda bodibilding» kategoriýasynda kümüş medala Wepa Nurnazarow (65 kg çenli), şu kategoriýada bürünç medala — Dmitriý Ýenikeýew (100 kg çenli) we Gennadiý Amelin (100 kg-dan ýokarda) mynasyp boldy.
«Zenanlaryň atlet beden gurluşy» ýa-da başgaça aýdylanda «atlet-fizik» ugry boýunça kümüş medala Irada Abbasowa, erkekleriň arasynda «atlet-fizik» ugry biýunça üçünji orna — Rustam Karaýew (175 sm-e çenli) mynasyp boldular.
Türkmen toparynyň ýene-de bir wekili — Gülnara Begenjowa (170 sm-e çenli) «model beden gurluşy» ugry boýunça hormat münberinde üçünji basgançagy eýeledi.
Şeýlelikde, Türkmenistanyň ýygyndy topary umumytoparlaýyn üçünji orny eýeledi we Merkezi Aziýanyň Kubogyny ilkinjileriň hatarynda eýeledi. Geçen gezekki ýaryşda türkmen toparynyň hasabynda 5 medal bardy.
Noýabr aýynda türkmen türgenleri Seulda geçiriljek Bodibilding we fitnes boýunça dünýä çempionatynda güýç synanyşarlar.
Bodibilding boýunça türkmen türgenleri Merkezi Aziýanyň birinjiliginde baýrakly orunlary eýelediler
- 06.05.2019 23:12
- 1.6k+
