Türkmenistanyň Senagat we kommunikasiýa ministrliginiň «Türkmenhowaýollary» agentliginiň hünärmenleri Moskwa döwlet tehniki uniwersitetiniň raýat awiasiýasynyň Hünär derejesini kämilleşdiriş we attestasiýa institutynda okuw geçdiler. Bu barada Moskwanyň Demirgazyk administratiw okrugynyň Prefekturasynyň saýty habar berýär.
Maglumata laýyklykda, raýat awiasiýasynyň dolandyryş-işgärler toparyndan 25 sany hünärmen «Raýat awiasiýasy ulgamynda döwlet inspektorlaryny we raýat awiasiýasynyň gurnamakda inspektorlyk düzümini taýýarlamak» hünär derejesini kämilleşdiriş maksatnamasy boýunça okuwlary üstünlikli geçdiler.
«Türkmenhowaýollary» agentligi Türkmenistanyň raýat awiasiýasy ulgamynda ygtyýarlandyrylan edaradyr. Ol uçuşlaryň howpsuzlygyny üpjün etmeklige, ýolagçylara hyzmat ediş medeniýetine we hyzmatlary berijilere gözegçiligi amala aşyrýar.
Türkmen milli raýat awiasiýasy daşary ýurtlarda Türkmenistana wekilçilik edip, halkara bileleşigi tarapyndan ýurdumyzyň parahatçylyk söýüjilikli syýasatynyň ykrar edilmeginde möhüm wezipeleri alyp barýar. Howa ulaglary pudagy güýçli depginler bilen ösüp, ýolagçylary gatnatmak we ýükleri daşamak boýunça öňde goýlan wezipeler üstünlikli ýerine ýetirilýär.
«Türkmenhowaýollarynyň» hünärmenleri Moskwada hünär kämilleşdiriş okuwyny geçdiler
- 05.05.2019 23:42
- 2.8k+
