Aşgabadyň demirgazyk böleginde medeni-bilim desgalary gurulýar

Aşgabadyň demirgazygynda Duşenbe weAstana köçeleriniň aralygynda durmuş-medeni maksatly binalaryň toplumy — umumy bilim berýän, mekdebe çenli ýaşly çagalar, sungat we sport-sagaldyş desgalary gurlar. Bu desgalary gurmak boýunça bäsleşikde «Sport ýyllydyzy» hususy kärhanasy ýeňiji boldy. Bu kärhana Aşgabatda köp sanly sport desgalaryny, şol sanda «Tehnologiýa» monumentini gurdy. Şeýle hem bu kompaniýa Çandybil we Bekrewe köçeleriniň çatrygynda «Welosiped» monumentini gurmak boýunça işleri hem alyp barýar.
Geljekki medeni-bilim toplumynyň territoriýasynda 720 orunlyk orta mekdebiň we 320 orunlyk çagalar bagynyň binasy gurlar. Taslama laýyklykda, sportuň oýun görnüşleri we gimnastika üçin zaly, çagalar we uly ýaşlylar üçin tans zallaryny, sazçylyk we aýdym zallaryny öz içine aljak köpugurly döredijilik merkezi bina ediler. Mundan başga-da, bu ýerde ses ýazgy studiýasy, kostýumer sehi, dolandyryş merkezi gurlar. «Sport ýyldyzy» HK desgalaryň gurluşygyny geljek ýylda tamamlamagy meýilleşdirýär.