+109 kilogram agram derejede çykyş edýän türkmen agyr atletikaçysy Hojamuhammet Toýçyýew Hytaýyň Ninbo şäherinde geçirilýän Agyr atletika boýunça Aziýa çempionatynyň ahyrky gününde iki sany bürünç medala mynasyp boldy. Bu barada arzuw.news saýty habar berýär.
Türgen itekläp götermek (234 kg) dissiplinasynda üçünji bolmagy başardy. Umumylykda ol 421 kg galdyrdy. Silkip galdyrmakda Toýçyýew nobatdaky bürünç medal gazanmaga ýakyn baryp, dördünji orny eýeledi.
Çempionatda altyn medaly eýranly Ali Dawudi gazandy. Bu türgen umumylykda 432 kg galdyrdy, kümüş medala Hytaý Taýbeýinden Çen Şi-Çi gazandy.
Hojamuhammet Toýçyýew Agyr atletika boýunça Aziýa çempionatynda 2 sany bürünç medal aldy
- 30.04.2019 17:35
- 3.3k+
