Aşgabat şäheriniň Bagtyýarlyk etrabynda kuwwaty bir gije-gündizde 150 müň kub metr bolan agyz suwuny arassalaýjy desgany gurmak boýunça işler alnyp barylýar. Bu barada wise-premýer Ç.Pürçekow hökümet mejlisinde habar berdi.
Gurluşyk we binagärlik ministrligi tarapyndan geçirilen bäsleşigiň netijeleri boýunça «Dost gurluşyk, söwda, önümçilik» hojalyk jemgyýetiniň teklibi saýlanyp alyndy. Agyz suwuny arassalaýjy desganyň gurluşygyny 2019 — 2021-nji ýyllarda amala aşyrmak meýilleşdirilýär.
Şeýle kärhanalaryň gurluşygy Türkmenistanyň ilatly ýerlerini arassa agyz suwy bilen üpjün etmegiň Baş maksatnamasynyň çäklerinde amala aşyrylýar. Şunuň bilen baglylykda, döwlet Baştutany kuwwaty bir gije-gündizde 150 müň kub metr bolan agyz suwuny arassalaýjy desganyň häzirki zaman talaplaryny nazara almak arkaly gurulmalydygyna ünsi çekdi. Kämil enjamlar suwuň ýokary hilli arassalanylmagyny hem-de sarp edijilere — kärhanalara, paýtagtymyzyň demirgazyk böleginde guruljak ýaşaýyş jaýlaryna bökdençsiz ýetirilmegini üpjün etmelidir.
Aşgabatda täze agyz suw arassalaýjy desga gurlar
- 29.04.2019 02:14
- 1.3k+
