Türkmen bedewiniň milli baýramy mynasybetli Türkmenistanyň Prezidenti Gurbanguly Berdimuhamedowyň «Atda wepa-da bar, sapa-da» atly täze kitaby giň köpçülige ýetirildi. Bu kitabyň tanyşdyrylyş dabaralary Döwlet medeniýet merkeziniň Mukamlar köşgünde, Goranmak ministrliginiň Merkezi serkerdeler öýünde hem-de ýurdumyzyň jemgyýetçilik guramalarynyň toplumynda geçirildi.
«Atda wepa-da bar, sapa-da» kitaby 8 bölümden ybarat bolup, dünýä taryhynda atyň keşbiniň kemala gelşiniň geçmişini öz içine alýan gözýetimi yzygiderli açyp görkezýär. Bölümleri: «Ýoluň — rowaç, iliň — rowaç!»; «Bedew atyň ýüwrük bolsun!»; «Owal bedew aty gerek»; «Asmandan inen ykbal»; «At — türkmen üçin ähli zat»; «Ýanardagyň ýedi arkasy»; «Tejribe hem-de kämillik»; «Toý gününde bedew atlar çapylar».
