Türkmenistanyň Şweýsar Konfederasiýasyndaky ilçihanasy köpçülikleýin sport-sagaldyş çäreleriniň biraýlygyna bagyşlap çagalar toparlarynyň araasynda futbol boýunça çempionat geçirdi, diýip ilçihananyň resmi saýty habar berýär.
Çempionatyň açylyş dabarasynda Türkmenistanyň Ženewadaky adatdan daşary we doly ygtyýarly ilçisi Atageldi Haljanow Türkmenistanyň Prezidenti Gurbanguly Berdimuhamedowyň başlangyjy boýunça her ýylda geçirilmegi däbe öwrülen sport çäreleriniň Bütindünýä saglyk gününe bagyşlanandygyny belledi.
Çempionata Ženewanyň dürli mekdeplerinden çagalar futbol toparlary gatnaşdy.
Baýrak gowşurylyş dabarasynda Türkmenistanyň ilçisi Atageldi Haljanow ýaryşlaryň gyzykly hem-de ýaş türgenler üçin peýdaly bolandygyna ynam bildirdi hem-de bu hili kampaniýalaryň Türkmenistanda bolşy ýaly, bütin dünýäde hem sport we sagaldyş hereketlerini işjeňleşdirmäge ýardam etjekdigini belledi.
