Türkmenistanyň wekiliýeti Birleşen Milletler Guramasynyň Howpsuzlyk geňeşiniň Minsk şäherinde 3-4-nji aprelde geçirilýän sebit seminaryna gatnaşýar. Wekiliýetiň düzümine Döwlet gümrük gullugynyň we Döwlet serhet gullugynyň we Türkmenistanyň söwda we daşary ykdysady aragatnaşyk ministrliginiň wekilleri girdi, diýip Belarus döwletiniň ilçihanasynyň saýty habar berýär.
Bu çäräni Belarus döwletiniň Daşary işleri ministrligi ÝHHG-niň Dawalaryň öňüni almak boýunça Merkezi, BMG-niň HG-niň 1540 komiteti we BMG-niň ýaragsyzlanmak meseleleri boýunça müdirligi bilen bilelikde Ýewropa Bileleşiginiň maliýe goldawyny bermeginde geçirýär.
Seminaryň işine Ermenistanyň, Azerbaýjanyň, Belarusuň, Gazagystanyň, Gyrgyzystanyň, Moldowanyň, Russiýanyň, Täjigistanyň, Türkmenistanyň, Özbegistanyň we Ukrainanyň daşary syýasat edaralarynyň, gümrük, serhet gulluklarynyň wekilleri, şeýle hem ÝHHG, BMG, INTERPOL ýaly birnäçe halkara guramalarynyň bilermenleri gatnaşýar.
Türkmenistanyň wekiliýetiniň bu çärä gatnaşmagy ýaragsyzlanmak we bilermenler gözegçiligi ulgamynda ikitaraplaýyn we köptaraplaýyn hyzmatdaşlygy ösdürmek, şeýle hem sebitiň ýurtlarynyň ÝHHG, BMG we beýleki abraýly halkara guramalary bilen hyzmatdaşlyk gatnaşyklaryny çuňlaşdyrmak nukdaýnazaryndan möhüm ähmiýete eýedir.
