Ruben Fleýşer Lionsgate studiýasynyň düşürýän «Aldawyň boş hyýaly» filminiň üçünji bölüminiň režissýory edilip bellendi. Bu barada Deadline habar berýär.
Filmiň edebi esasyny ýazmak üçin studiýa «Tekepbirlikler we ýalan ynamlaryň» (Pride and Prejudice) ssenariýaçysy Set Grem-Smiti hakyna tutdy. Bobbi Koen Aleks Kurtsman bilen bilelikde taslamanyň prodýusserleri bolarlar.
Fleýşer «Wenom», «Gangster awçylary» («Gangster Squad»), şeýle-de, «Zombilende hoş geldiňiz» («Zombieland») filmleri bilen tanalýar, soňky filmiň Wudi Harrelsen we Jessi Aýzenberg ýaly aktýorlary «Aldawyň boş hyýalynnyň» birinji bölüminde oýnaýarlar.
«Men talaňçylyklar hakyndaky filmleriň muşdagy — men görnüşinden başgaça görünýän öwrümleriň we syrlaryň içine çümmegi halaýaryn. Ogrular gözbagçy bolsa-ha, onda mümkinçilikler çäksiz bolýar» — diýip, režissýor filmiň üstünde işlemekden alýan täsirini beýan edýär.
